UAZ-ը մասնակցեց ցուցահանդեսի   04 դեկտեմբերի, 2013 թ.

2013թ. դեկտեմբերի 2-3-ը Գյումրիում և Երևանում անցկացվեց Հայաստանի և Ռուսաստանի ռեգիոնների ցուցահանդես՝ նվիրված ՌԴ նախագահ Վ.Պուտինի կատարվելիք պետական այցին:

Ցուցահանդեսի շրջանակներում հանրությանն իրենց տնտեսական և ներդրումային հնարավորություններով ներկայացան Հայաստանի բոլոր մարզերը՝ ներառյալ Երևանը, ինչպես նաև մի շարք ռուսաստանյան մարզեր, օրինակ՝ Արխանգելսկի, Ռոստովի, Սարատովի, Վոլգոգրադի, Մոսկվայի մարզերը: Բացի այդ առանձին ներկայացվել էին Հայաստանում շախատող խոշոր ռուսական կազմակերպությունները, որոնց թվում էին ՎՏԲ-Բանկը, Հարավկովկասյան երկաթուղին, ՀԷՑ-ը և այն:

“Կարկոմավտո” ընկերությունը, հանդիսանալով հանրահայտ ՈՒԱԶ մակնիշի պաշտոնական ներկայացուցիչը Հայաստանում, ևս մասնակցեց ցուցահանդեսին ավտոմեքենաների երկու մոդելներով UAZ Patriot և UAZ Pickup, որոնք տեղակայվել էին ցուցասրահի առաջնամասում:

Ընկերությունում հույս ունեն, որ ցուցահանդեսի մասնակցությունը լրացուցիչ խթան կհանդիսանա այս մոդելների սպառման համար:

Բոլոր նորությունները